Իսրայելը հարվածներ է հասցրել ՀԱՄԱՍ-ի` զենքի արտադրության օբյեկտների վրա

Հինգշաբթի` լույս փետրվարի 2-ի գիշերը, իսրայելական ինքնաթիռները հարվածներ են հասցրել պաղեստինյան ՀԱՄԱՍ շարժման` զենքի արտադրության հետ կապված օբյեկտի վրա։  Այս մասին Twitter-ում հայտնել է Իսրայելի պաշտպանության բանակը (IDF):

 

«Ի պատասխան Գազայի հատվածից Իսրայելի ուղղությամբ հրթիռակոծման՝ Իսրայելի պաշտպանության բանակի կործանիչներն այսօր հարվածներ են հասցրել ՀԱՄԱՍ ահաբեկչական կազմակերպությանը պատկանող քիմիական հումքի արտադրության և զենքի արտադրության օբյեկտների վրա»,- նշվում է հաղորդագրությունում։

 

Իսրայելի պաշտպանության բանակը նաև նշել է, որ ՀԱՄԱՍ-ը պատասխանատու է «Գազայի հատվածից բխող բոլոր ահաբեկչական գործողությունների համար»:  Բացի այդ, Իսրայելի պաշտպանության ուժերը զգուշացրել են ՀԱՄԱՍ-ին, որ պաղեստինյան շարժումը պատասխանատվություն է կրելու երկրի անվտանգության խախտման հետեւանքների համար։

 

 

Քաղաքականություն