Պակիստանում անցկացվում են թուրք-պակիստանյան համատեղ զորավարժությունները։

Ինչպես գրում է թուրքական Anadolu գործակալությունը` «Աթաթուրք-2023» խորագրով զորավարժությունների մեկնարկը տրվել է երեկ։

Կազմակերպիչների խոսքով՝ զորավարժությունների նպատակը ահաբեկչության դեմ պայքարի համատեղ քայլերի մշակումն է։ Ըստ Պակիստանի զինուժի` Տարբելի շրջանում զորավարժությունները կշարունակվեն երկու շաբաթ։

Համատեղ զորավարժություններն անցկացվում են 1998 թվականից՝ երկու երկրների հատուկ նշանակության ստորաբաժանումների մասնակցությամբ։