Լաչինի միջանցքով անխոչընդոտ շարժը վերսկսելու հարցով բանակցությունները շարունակվում են. ՌԴ ՊՆ
Ռուս խաղաղապահների հրամանատարությունը շարունակում է բանակցային գործընթացը հայկական և ադրբեջանական կողմերի հետ՝ Ստեփանակերտ-Գորիս ճանապարհով ավտոմոբիլային տրանսպորտի անխոչընդոտ շարժը վերսկսելու վերաբերյալ։ Այս մասին նշվում է ՌԴ ՊՆ ամենօրյա տեղեկագրում:
Նշվում է, որ Ռուսաստանի խաղաղապահ զորախումբը շարունակում է Լեռնային Ղարաբաղում իր առջև դրված խնդիրների կատարումը: Ըստ աղբյուրի՝ ՌԴ խաղաղապահների կողմից 30 դիտակետերում իրադրության շուրջօրյա մոնիթորինգ և կրակի դադարեցման ռեժիմի պահպանման վերահսկողություն է իրականացվում:
«Իրականացվել է մարդասիրական բեռով մեկ ավտոշարասյան ուղեկցում Գորիս-Ստեփանակերտ երթուղով։ Պարեկություն է իրականացվել Մարտակերտի, Մարտունու և Շուշիի շրջաններում երեք երթուղիներով։ Ստեփանակերտի մանկական վերականգնողական կենտրոնում անցկացվել է սննդի տրամադրման մարդասիրական ակցիա: ՌԴ խաղաղապահների անվտանգությունն ապահովելու և հնարավոր միջադեպերը կանխելու նպատակով Ադրբեջանի և Հայաստանի զինված ուժերի գլխավոր շտաբների հետ շարունակական փոխգործակցությունը պահպանվում է»,- նշված է հաղորդագրության մեջ:
Նմանատիպ հոդվածներ
Ողբերգական հրդեհի գործով ձերբակալվել է զորամասի կոմունալ ծառայության պետը
Հրազենից ՊՆ զինծառայող է վիրավորվել. վիճակը ծայրահեղ ծանր է. ՀՀ ՊՆ
Ադրբեջանը հայկական կողմին սեպտեմբերյան մարտերի ժամանակ զոհված հայ զինծառայողի մարմին է փոխանցել
ՌԴ ՊՆ-ն` Լաչինի միջանցքով անխոչընդոտ շարժը վերսկսելու վերաբերյալ. ՌԴ ՊՆ
Ավելին Ռազմական բաժնից
Իրանը ռազմավարական սխալ է թույլ տվել՝ հարձակվելով արաբական երկրների վրա. Հոսամ Զաքին
Արաղչին կոչով դիմել է ԱՄՆ–ին
Նեթանյահուն արձագանքել է իր մահվան մասին լուրերին
