Լարսում բեռնատարների տեղաշարժը դադարեցվել է
Վրաստանում եղանակի վատթարացման պատճառով Հյուսիսային Օսիայի վրացական ռազմական մայրուղու հատվածում ծանր մեքենաների տեղաշարժը դադարեցվել է, հայտնում է Վրաստանի ԱԻՆ հանրապետական գլխավոր վարչության մամուլի ծառայությունը։
«Վրաստանի տարածքում եղանակային պայմանների վատթարացման, տրանսպորտային միջոցների անվտանգ երթևեկությունն ապահովելու անհնարինության պատճառով, ինչպես նաև Վրաստանի սահմանապահ ոստիկանության առաջարկությունները հաշվի առնելով՝ Վլադիկավկազ-Լարս հատվածում` Ռուսաստանի Դաշնությունից դուրս գալու ուղղությամբ արգելվում է ծանր մեքենաների տեղաշարժը` Մոսկվայի ժամանակով ժամը 22:20-ից մինչև հետագա ծանուցում»,- ասված է հաղորդագրության մեջ։
Վրաստանի ռազմական մայրուղին ներկայումս միակ ցամաքային ճանապարհն է, որը կապում է ոչ միայն Վրաստանը, այլև Հայաստանը Ռուսաստանի հետ։
