Ղրիմի իշխանությունները ազգայնացնում են ուկրաինացի օլիգարխներ Ախմետովի և Կոլոմոյսկու ունեցվածքը
Ղրիմի իշխանությունները որոշել են ազգայնացնել ուկրաինացի օլիգարխներ Ռինատ Ախմետովի և Իգոր Կոլոմոյսկու ունեցվածքը, հայտարարել է Ղրիմի խորհրդարանի նախագահ Վլադիմիր Կոնստանտինովը։ Այս մասին գրում է Kp.ru-ն:
Ինչպես պարզաբանել է պատգամավորը Telegram-ի իր ալիքում, Ախմետովը կկորցնի «Նովոկրամատորսկի մաշինոստրոյտելնի զավոդ» ՓԲԸ-ն.
«Կենտրոնական լեռնահարստացուցիչ կոմբինատ» ԲԲԸ-ն` ներառյալ «Գորնյակ» պանսիոնատի սեփականությունը, և «Խարկովի «Հանքագործի լույսը» մեքենաշինական գործարան» ՓԲԸ-ն:
Ինչ վերաբերում է Կոլոմոյսկուն, ապա նրա ակտիվները TRANSPORT LOGISTIC ՍՊԸ-ում ենթակա են ազգայնացման Ղրիմում։ Բացի այդ, պետականացվելու է Կոլոմոյսկու դստերը պատկանող «Էնվիլ» ՍՊԸ-ն, ինչպես նաև ուկրաինական մի շարք բանկերի և գործարանների գույքը, օրինակ՝ «Ալմա շինանյութերի գործարան» ԲԲԸ և «Կամիշ-Բուրուն» երկաթի հանքաքարի գործարան ԲԲԸ-ն:
Կոնստանտինովի խոսքով՝ բարոյական տեսանկյունից Ղրիմի համար կարևոր է դադարեցնել ուկրաինական բիզնեսի գործունեությունը, բայց դա չի նշանակում բուն ձեռնարկությունների փակում։ Նա բացատրել է, որ իրենք կունենան նոր ղեկավարություն, և ներկայացրել է ժամանակավոր վարչակազմեր։
Այնուհետեւ կիրականացվի սեփականաշնորհում, եւ նրանք կաշխատեն Ռուսաստանի օրենսդրական դաշտում, հավելել է Ղրիմի խորհրդարանի նախագահը։
