Ցուկերբերգը հարստացել է աշխատակիցների զանգվածային կրճատումներից հետո

Meta-ի ղեկավար Մարկ Ցուկերբերգի անձնական կարողությունը մեկ օրում ավելացել է 12 միլիարդ դոլարով՝ ընկերության բաժնետոմսերի 21 տոկոս աճի շնորհիվ։ Ինչպես նշում է Business Insider-ը, շուկայում լավատեսությունը պայմանավորված է ընկերության ծախսերի և բազմաթիվ աշխատակիցների կրճատմամբ։
 

«Փետրվարի 2-ի աճը, լրացնում է Meta-ի բաժնետոմսերի շահումների շարանը, նրանց շահութաբերությունն այս տարի աճել է մինչև 50%-ից ավելի»,- ասվում է հոդվածում։

Ըստ Bloomberg Billionaires Index-ի՝ Ցուկերբերգի անձնական կարողությունը կազմել է 57,2 միլիարդ դոլար, նա 21-րդ տեղում էր։ Այնուամենայնիվ, 2022 թվականի սկզբին Ցուկերբերգի կարողությունը կազմում էր 125 միլիարդ դոլար։

2022 թվականի նոյեմբերին Ցուկերբերգը հայտարարեց զանգվածային կրճատումների մասին, որոնք վերաբերում էին իր աշխատակիցների մոտ 13%-ին կամ ավելի քան 11000 մարդու։ Նա նաև ծախսերի կրճատման այլ միջոցառումներ է իրականացրել։ Մետան նախատեսում է շարունակել այս քաղաքականությունը կորպորացիայի ներսում 2023 թվականին։