Հայաստանի ԱԳՆ-ն՝ Երուսաղեմի հայկական կազմակերպությունների հանդեպ բռնությունների և վանդալիզմի մասին
ՀՀ ԱԳՆ խոսնակը Թվիթերի իր միկրոբլոգում Հայաստանի մտահոգությունն է փոխանցել Երուսաղեմում Հայոց պատրիարքարանի և հայ բնակիչների նկատմամբ ցուցաբերված բռնությունների վերաբերյալ, մասնավորապես գրել է.
«Մենք խորապես անհանգստացած ենք վերջին բռնությունների և վանդալիզմի կապակցությամբ, որոնք ուղղված են Երուսաղեմի քրիստոնեական կրոնական հաստատություններին, ներառյալ Հայոց պատրիարքարանի և Հին քաղաքի հայ բնակիչների հանդեպ»:
Հիշեցնենք, որ Երուսաղեմում փորձել են բարձրանալ Հայոց պատրիարքարանի տանիք և հանել խրակիր և ՀՀ դրոշները, ինչպես նաև երկու հարձակում են կատարել հայերի վրա։