Թուրքական Baykar ընկերությունը երկու Bayraktar TB2 ԱԹՍ է նվիրել Ուկրաինային, գրում է УНИАН-ը։

«Այսօր Ուկրաինայի մեծ ընկերներից եւ գործընկերներից՝ Baykar ընկերությունից եւս 2 Bayraktar TB2 անօդաչու ստացանք։ Baykar ընկերությունը դրանք անվճար է նվիրաբերել՝ Ուկրաինայի զինված ուժերին ու ժողովրդին օգնելու համար։ Մենք անսահման երախտապարտ ենք Baykar-ին՝ մեր պետության համար ամենադժվար ժամանակներում ցուցաբերած անզիջում եւ կայուն աջակցության համար»,- նշվում է Ուկրաինայի հետախուզության գլխավոր վարչության հայտարարության մեջ։