Ճապոնիայում անցկացված մրցավազքում  հաղթել է ձին, որն ամբողջ մրցավազքի ընթացքում վազել է առանց ձիավարի: 

Լրատվամիջոցների տեղեկություններով՝ ձիավարը մրցավազքի սկզբում կորցրել է հավասարակշռությունը և ընկել ձիուց։ Որպես կանոն, նման միջադեպերի ժամանակ ձին դուրս է գալիս ընթացքից և ինքնուրույն հեռանում վազքուղուց, սակայն այս անգամ կենդանին շարունակել է վազել՝ առաջ անցնելով մյուս մասնակիցներից։

Արդյունքում առանց ձիավորի ձին առաջինը հատել է  եզրագիծը, սակայն մրցավարները չեղյալ համարեցին դրա արդյունքը և որակազրկել։ Մրցույթի կանոնների համաձայն` ձիավարը պետք է մնա թամբի վրա մինչև մրցավազքի ավարտը։

 Սակայն սոցցանցերի օգտատերերը համաձայն չեն այս որոշման հետ եւ կարծում են, որ կենդանին արժանի է մեդալի։