Պուշկինի թունելը գիշերը ժամանակավորապես կփակվի

Լոռու մարզում գտնվող Պուշկինի թունելը հունվարի 25-ին ժամը 01.00-05.00-ն փակ է լինելու։

«Ճանապարհային դեպարտամենտ»-ից հայտնում են` նշելով, որ Պուշկինի թունելի երթևեկելի հատվածում գտնվող դիտահորի կոտրվածքի հետևանքով երթևեկության համար առաջացել է խոչընդոտ։ Թունելը սպասարկող ընկերության աշխատակիցների կողմից տվյալ դիտահորն ապամոնտաժվելու է, և տեղադրվելու է նորը։