Սպորտ

«Ես կարծես վերածնվել եմ». Խաչանովը` հաղթանակի և իր մարզավիճակի մասին

«Ես կարծես վերածնվել եմ». Խաչանովը` հաղթանակի և իր մարզավիճակի մասին
Ռուսաստանը ներկայացնող հայազգի թենիսիստ Կարեն Խաչանովը մեկնաբանել է Ավստրալիայի բաց առաջնության կիսաեզրափակիչ դուրս գալը: Սեբաստիան Կորդան դաստակի վնասվածքի պատճառով հրաժարվել էր շարունակել…

 Ռուսաստանը ներկայացնող հայազգի թենիսիստ Կարեն Խաչանովը մեկնաբանել է Ավստրալիայի բաց առաջնության կիսաեզրափակիչ դուրս գալը: Սեբաստիան Կորդան դաստակի վնասվածքի պատճառով հրաժարվել էր շարունակել հանդիպումը, որում Խաչանովն արդեն իսկ շանսեր չէր թողել հակառակորդին:

 

«Իհարկե, հիանալի է երկու «Մեծ սաղավարտի» անընդմեջ կիսաեզրափակիչ դուրս գալը: Բնականաբար, չէի ցանկանում այդպես ավարտել հանդիպումը։ Մինչև որոշակի պահ մենք շատ լավ պայքար անցկացրինք։

Սեբաստիանը երեք սեթում հաղթեց իմ ընկերներից մեկին՝ Դանիելին։ Հուրկաչին հաղթեց հինգ սեթում: Գերազանց թենիս է ցուցադրում, ծափահարենք նրան:

Եվ ես ինձ հիանալի եմ զգում, շատ գոհ եմ խաղամակարդակից։ Անհամբեր սպասում եմ Ավստրալիայում կայանալիք առաջին կիսաեզրափակիչին»:

 

Խաչանովը պատմել է նաև, թե ինչպես է հաղթահարել ճգնաժամը 2018 թվականի մրցաշրջանից հետո։

«Ես միշտ հավատացել եմ ինքս ինձ, բայց կան բացասական կողմեր: Իսկ հիանալի արդյունքներն օգնում են ինքնավստահություն ձեռք բերել: Ես կարծես վերածնվել եմ: Ինձ համար այն ավելի ուժեղացավ US Open-ից հետո: Իսկ հետո նորից դուրս եկա կիսաեզրափակիչ։ Հուսով եմ, որ կշարունակեմ աճել որպես մարզիկ և որպես մարդ»,- ասել է Խաչանովը հանդիպումից հետո կորտում տված հարցազրույցի ժամանակ:

Թեմաներ:

Սպորտ

Գնահատեք հոդվածը:

Դեռ գնահատական չկա

Կիսվել ընկերների հետ:

Նմանատիպ հոդվածներ

Ավելին Սպորտ բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (8318) Միջազգային (3586) ԱՄՆ (2414) Ռուսաստան (2353) Իրան (1812) Ընտրություններ (1286) Ուկրաինա (955) Երևան (832) Իսրայել (771) Ադրբեջան (694) Փաշինյան (625) Եվրոպա (543) Ազգային ժողով (527) Ընդդիմություն (507) Թրամփ (466)

Radio Aurora

Լսել Radio Aurora

Գովազդային տարածք

300x250