Աբովյան փողոցի մի հատվածն ամբողջ գիշեր փակ կլինի

 Երևանում մեկնարկել են ամանորյա լուսային ձևավորման ապամոնտաժման աշխատանքները։ Տեղեկությունը հայտնում է Երևանի քաղաքապետարանը։ 

«Հունվարի 18-ին, ժամը 22:00-ից մինչև հունվարի 19-ի ժամը 07:00-ը փակ կլինի Աբովյան փողոցի՝ Պուշկինի հատման անկյունից մինչև Հանրապետության հրապարակ հատվածի երթևեկությունը»,– ասված է հաղորդագրությունում: 

Նշենք, որ հունվարի 13-ից սկսել են ապամոնտաժել նաև ՀՀ գլխավոր տոնածառը և Հանրապետության հրապարակում տեղադրված դեկորացիաները։ Արդեն իսկ հանել են նաև կառավարության շենքին ամրացված լույսերը։ Աշխատանքները դեռևս շարունակվում են։