Հայտնաբերվել է Երկրին նման մոլորակ

Ջեյմս Ուեբ տիեզերական աստղադիտակը հայտնաբերել է իր առաջին էկզոմոլորակը։ Իր չափերով այն նման է Երկրին, հայտնում է The Independent-ը ։

Այն գտնվում է արեգակնային համակարգից 41 լուսային տարի հեռավորության վրա ՝ Օկտանտ համաստեղությունում։ Նրա տրամագիծը կազմում է Երկրի տրամագծի մոտավորապես 99% - ը։ Նշվում է, որ այնտեղ մի քանի հարյուր աստիճան ավելի տաք է, քան մեր մոլորակում։ 

Առայժմ գիտնականները չեն կարողանում մոլորակի ամբողջական նկարագրությունը տալ։ Բայց հաստատ հայտնի է, որ չկա մեթանի գերակշռող խիտ մթնոլորտ, ինչպես, օրինակ, Տիտանի վրա ՝ Սատուրնի արբանյակը:

LHS 475 b-ի նման մոլորակները երկար ժամանակ «անտեսանելի» են մնացել աստղադիտակների համար: Սակայն «Ջեյմս Ուեբի» հզորությունը, ինչպես պարզվել է, թույլ է տալիս ոչ միայն նկատել նման երկնային մարմինները, այլեւ օգնում է մանրամասն ուսումնասիրել դրանք։ Այդ պատճառով հետազոտողները հույս ունեն, որ մոտ ժամանակներս դեռ շատ հայտնագործություններ կան։