Սոլեդար քաղաքը նախկինում և հիմա

Ամերիկյան Maxar ընկերությունն իր Twitter-ում արբանյակային երկու նկար է հրապարակել, որոնք ցույց են տալիս Դոնեցկի մարզի Սոլեդար քաղաքում ավերածությունների չափը։ Անցյալ տարվա օգոստոսի 1-ին արված առաջին նկարը ցույց է տալիս ամբողջ քաղաքը՝ տներով, շենք-շինություններով եւ կանաչապատ տարածքով: Երկրորդ լուսանկարը, որն արվել է 2023 թվականի հունվարի 10-ին, ցույց է տալիս ձյունածածկ լանդշաֆտը, որում գրեթե ոչ մի շինություն չի երևում։ Մինչ պատերազմը քաղաքում ապրում էր մոտ 11 հազար մարդ։ Հայտարարվել է, որ այժմ Սոլեդարում ավելի քան 500 բնակիչ է մնացել, և նրանց տարհանելն անհնար է։