Բրիտանական հետախուզությունը՝ ռուսական բանակի մասին
Բրիտանական հետախուզության տվյալներով՝ ռուսական բանակում վերադասավորումները խոսում են Կրեմլի ձախողումների մասին, փոխանցում է BBC-ի ռուսական ծառայությունը։ Բրիտանական հետախուզության տվյալներով՝ չորեքշաբթի օրվա վերադասավորումները Ռուսաստանի բարձրագույն ռազմական հրամանատարության շարքերում ցույց են տալիս, որ Կրեմլը տեղյակ է, թե որքան աղետալի է իրենց համար ռազմական արշավը։
Վերադասավորումները լուրջ դժգոհություն կառաջացնեն ծայրահեղ ազգայնականների և «ռազմական թղթակիցների» շարքերում, որոնք Գերասիմովին մեղադրում էին ռազմական ձախողումների մեջ, իսկ բանակի հրամանատարությունից հեռացված Սերգեյ Սուրովիկինը վայելում էր նրանց լայն աջակցությունը։
Հիշեցնենք, որ երեկ ՌԴ պաշտպանության նախարար Սերգեյ Շոյգուն Գլխավոր շտաբի պետ Վալերի Գերասիմովին նշանակել է Զինված ուժերի միացյալ խմբավորման հրամանատար։ Նախկինում այս պաշտոնը զբաղեցնում էր Սերգեյ Սուրովիկինը․ նա դարձել է Գերասիմովի տեղակալը։
