Ավտովթար` Տիգրանաշենի ոլորաններում. անվադող տեղափոխող բեռնատար է շրջվել. ԶԼՄ
Ավտովթար է տեղի ունեցել Արարատի մարզի Տիգրանաշեն բնակավայրի ոլորաններում։ Այս մասին գրում է Mediahub.am-ը:
Նշվում է, որ «Mercedes» մակնիշի անվադող տեղափոխող բեռնատարը դուրս է եկել երթեւեկելի գոտուց եւ կողաշրջվել։
Դեպքի վայրից լրագրողը հայտնում է՝ ԱԻՆ մարտական հաշվարկի արձագանքման անհրաժեշտություն չի եղել, քանի որ Սյունիքի մարզային փրկարարական վարչության փրկարարները՝ փրկարարական վարչության պետի ժամանակավոր պաշտոնակատար Ռ․Սահակյանի գլխավորությամբ, նկատելով ճանապարհատրանսպորտային պատահարը դադարեցրել են վառելիքի արտահոսքը եւ տեղեկացրել ՃԿԱԿ։
Վթարի հետեւանքով տուժածներ չկան։
