ՏԵՍԱՆՅՈՒԹ. Կոսովոյում ալբանացին կրակել է սերբերի վրա, տուժածների թվում 11 տարեկան երեխա կա

Կոսովոյի Գոտովուշա գյուղում ալբանացին ավտոմեքենայից կրակ է բացել և վիրավորել երկու սերբերի, այդ թվում՝ 11-ամյա մի տղայի։

Կոսովոյի և Մետոհիայի գրասենյակի տվյալներով՝ զոհերը զարմիկներ են, ովքեր քայլել են ճանապարհի եզրով և կրել են սերբական Սուրբ Ծննդյան խորհրդանիշը՝ բադնյակը (կաղնու ճյուղեր), հայտնում է RT-ն։

«Սա անմեղ սերբ երեխաներին սպանելու հստակ փորձ է, որոնք պարզապես կրել են բադնյակը և դրանով պարզորոշ ցույց են տվել, որ իրենք սերբեր են», - ասվում է գերատեսչության հայտարարության մեջ։

Տուժածները հրազենային վնասվածքներով տեղափոխվել են հիվանդանոց, նրանց կյանքին վտանգ չի սպառնում։

Դեպքից հետո գյուղացիները փակել են ճանապարհները` պահանջելով ձերբակալել զինված անձին։  Դեպքի վայր է ժամանել Կոսովոյի ոստիկանությունը։