ՏԵՍԱՆՅՈՒԹ. Խոշոր հրդեհ` Կամբոջայի հյուրանոցներից մեկում. կան զոհեր և վիրավորներ, արգելափակված մարդիկ
Կամբոջայի Պոյպետ քաղաքի Grand Diamond City հյուրանոցում և կազինոյում խոշոր հրդեհ է բռնկվել։ The Phnom Penh Post-ի տվյալներով՝ առնվազն 10 մարդ մահացել է, 30-ը՝ վիրավորվել։ Բացի այդ, ավելի քան 400 մարդ կարող է փակված լինել կազինոյի շենքում։
Մարդիկ մահացել կամ վիրավորվել են այրվածքներից, այրման արգասիքից թունավորման պատճառով, և նաև վնասվածքներ են ստացել պատուհաններից ընկնելու հետևանքով։ ԶԼՄ-ների տվյալներով՝ զոհվածների թվում կան Կամբոջայի և Թաիլանդի քաղաքացիներ։
Հրդեհաշիջման աշխատանքները շարունակվում են։ Պոյպետ քաղաքի ղեկավար Նիմ Ֆհենգը The Phnom Penh Post-ին ասել է, որ ինչպես Կամբոջայի, այնպես էլ Թաիլանդի հրշեջները մարում են կրակը:
Ըստ Թաիլանդի արտաքին գործերի նախարարության աղբյուրի, վարչությունը համագործակցում է տեղի իշխանությունների հետ, տուժածներից մի քանիսը տեղափոխվել են Թաիլանդի հարեւան Սա Կեո նահանգ։
Պոյպետը գտնվում է Թաիլանդի հետ սահմանին։ Grand Diamond-ը երկու երկրների սահմանին գտնվող բազմաթիվ համալիրներից մեկն է։ Ունի հյուրանոց և խաղատուն։
