Հայաստանը հետաքրքրված է Հնդկաստանի փորձով իր Սու 30-ների համար. հնդկական պորտալ

Ռուսաստանից Հայաստանն իր ձեռք բերած Սու-30-ը չի կիրառել Արցախյան 44-օրյա պատերազմում: Այս մասին հայտնում է հնդկական մասնագիտացված Indian Defence Research Wing պորտալը։ Նշվում է, որ  պատճառներից մեկն այն էր, որ հայ օդաչուները բավականաչափ մարզված չէին, և Հայաստանը չէր կարողացել հրթիռներ ձեռք բերել Լեռնային Ղարաբաղի պատերազմից առաջ։ Հրապարակման մեջ նշվում է, որ ըստ մամուլի հրապարակումների` հայկական Սու-30-երը որպես համակարգ օգտագործել են միայն չկառավարվող հրթիռներ, ինչի պատճառով հայկական կողմն այժմ նախատեսում է դիվերսիֆիկացնել ռեսուրսները՝  օդուժը կառուցելու համար և ակնկալում են օգնություն ստանալ Հնդկաստանից։ 

Ըստ լրատվականի՝ համագործակցության ոլորտը կարող է լինել օդաչուների պատրաստումից մինչև հնդկական արտադրության հրթիռների զինմամբ։ «Հայաստանը հուսով է նորացնել իր օդուժը և նոր ձեռք բերված Սու-30-ները»,- գրում է լրատվամիջոցը։