Ուկրաինան պահանջում է Ռուսաստանին հեռացնել ՄԱԿ-ից
Ուկրաինայի արտաքին գործերի նախարարությունը հայտարարություն է տարածել՝ կոչ անելով Ռուսաստանին բացառել ՄԱԿ-ի Անվտանգության խորհրդից և ընդհանրապես միջազգային կազմակերպությունից։ Գործակալությունը, ըստ երեւույթին, մոռացել է, որ դա անհնար է ՄԱԿ-ի կանոնադրությամբ՝ Ռուսաստանի Դաշնության վետոյի իրավունքի պատճառով, գրում է Life.ru-ն:
«Ուկրաինան կոչ է անում ՄԱԿ-ի անդամ երկրներին թարմացնել ՄԱԿ-ի կանոնադրության կիրառումը ՄԱԿ-ում Ռուսաստանի Դաշնության գտնվելու օրինականության հարցերում, զրկել Ռուսաստանին ՄԱԿ-ի Անվտանգության խորհրդի մշտական անդամի կարգավիճակից և երկիրն ամբողջությամբ հեռանցել ՄԱԿ-ից»,- նշված է ԱԳՆ հաղորդագրության մեջ։
Կիևի ներկայացուցիչները փորձում են պնդել, թե իբր Մոսկվան զբաղեցրել է ՄԱԿ-ի Անվտանգության խորհրդի մշտական անդամի տեղը՝ շրջանցելով ՄԱԿ-ի կանոնադրությամբ սահմանված ընթացակարգերը, որոնց համաձայն` այդ արտոնությունը տրվում է «խաղաղասեր պետություններին»։ Նաև Ուկրաինայի ԱԳՆ-ն Ռուսաստանին մեղադրում է ՄԱԿ-ի Անվտանգության խորհրդում վետոյի իրավունքից օգտվելու և «խաղաղության» սկզբունքը խախտելու մեջ։
