Կռիվ է լինելու, բայց միջանցք չի լինելու.. Սամվել Բաբայան. «Սիվիլնեթ»

Պետք է ձևավորել Ռուսաստան-Հայաստան-Իրան ռազմավարական առանցք, որը թույլ կտա ապագայում խուսափել տարածաշրջանում Իրանի դեմ Թուրքիայի ու Ադրբեջանի պատերազմից:Եթե դրան չպատրաստվենք, այդ պատերազմում կկործանվենք: Այս մասին ՍիվիլՆեթի հետ զրույցում նշում է Արցախի Պաշտպանության բանակի նախկին հրամանատար Սամվել Բաբայանը:

«Միջանցք չի լինելու մոռացեք: Կռիվ է լինելու, բայց միջանցք չի լինելու: Ես դրա համար խոսում եմ, որ կռվի պատրաստվենք, ոչ թե միջանցքից խոսենք»,- ասել է նա:

Նրա խոսքով՝ ուկրաինական պատերազմով պայմանավորված՝ Ռուսաստանն այժմ թուլացել է, ոչ թե չի ցանկանում, այլ չի կարող կտրուկ գործողություններ անել Ադրբեջանի ու Թուրքիայի դեմ: Իսկ Հայաստանը միայն պահանջում է Ռուսաստանից՝ ինքը որևէ բանի պատրաստ չլինելով։ Բաբայանը հավելում է, որ նման իրավիճակում, երբ Հայաստանը գործոն չէ, Ռուսաստանը պահում է Արցախն այնքան, որքան ի վիճակի է:

Ինչ վերաբերում է Թուրքիա- Ադրբեջան համագործակցությանը, Սամվել Բաբայանը նշել է, որ «Իրանից մինչև Թեհրան, Թավրիզը՝ Կասպյան ավազանով  ուզում են պոկել»: