Զելենսկին մեկնել է ԱՄՆ` հանդիպելու Բայդենի հետ
Ուկրաինայի նախագահ Վլադիմիր Զելենսկին դեկտեմբերի 21-ին մեկնել է Վաշինգտոն՝ հանդիպելու իր ամերիկացի գործընկեր Ջո Բայդենի հետ։ Այս տեղեկությունը հաստատում են Կոնգրեսի Associated Press-ի աղբյուրները և CNN-ի երկու զրուցակիցները։
Թեև Զելենսկու այցը սպասվում էր, այն դեռ կարող է չեղարկվել վերջին պահին՝ անվտանգության նկատառումներից ելնելով, հայտնում են AP-ի աղբյուրները։
CNN-ը նշում է, որ Ուկրաինայի նախագահն «արդեն Վաշինգտոնի ճանապարհին է»։
Հեռուստաալիքի զրուցակիցները հայտնել են, որ Զելենսկին ծրագրում է իր գործընկերոջ հետ քննարկել ռազմական օգնության նոր փաթեթը, որը կներառի Patriot հրթիռային համակարգերը։
