Ինչ է խոստացել Բայդենը Զելենսկուն

ԱՄՆ նախագահ Ջո Բայդենը Ուկրաինայի նախագահ Վլադիմիր Զելենսկու հետ հանդիպման ժամանակ խոստացել է Ուկրաինային Patriot մարտկոց մատակարարել։ Այս մասին գրում է Интерфакс-ը։

Հիշեցնենք, որ Ուկրաինայի նախագահ Վլադիմիր Զելենսկին չորեքշաբթի ժամանել է Սպիտակ տուն՝ հանդիպելու իր ամերիկացի գործընկեր Ջո Բայդենի հետ։

«Մենք կշարունակենք ուժեղացնել Ուկրաինայի պաշտպանունակությունը, հատկապես հակաօդային պաշտպանությունը, ուստի պատրաստվում ենք Ուկրաինային մատակարարել Patriot հրթիռային մարտկոց»,- ասել է Բայդենը։

Սպիտակ տան ղեկավարը հավելել է, որ ԱՄՆ-ն ուկրաինացի զինվորականներին կսովորեցնի նման զինատեսակներ կիրառել։ ԱՄՆ կատարած այցի ընթացքում Զելենսկին ելույթ է ունեցել նաև ԱՄՆ Կոնգրեսում։

Խոսնակ Նենսի Փելոսիին հանձնելով «Բախմուտից» ուկրաինական դրոշը` Զելենսկին դրա դիմաց ստացել է ամերիկյանը, ինչպես նաև ակնարկել է, որ անհրաժեշտ է ավելի շատ հրետանի, ինչպես նաև տանկեր, ինքնաթիռներ և ֆինանսական օգնություն։

[e1b96ba21b89c90a7321e3f3dc9c25c7.jpg]