Կոսովոն պատրաստվում է Թուրքիայից Bayraktar-ներ գնել
Կոսովոն բանակցություններ է վարում Թուրքիայի հետ 12 Bayraktar TB2 անօդաչու թռչող սարք գնելու համար։ Այս մասին գրում է Avia. pro կայքը:
Նշվում է, որ Սերբիայի և Կոսովոյի միջև նոր լարվածության ֆոնին Պրիշտինան որոշել է ձեռք բերել թուրքական Bayraktar TB2 հարվածային և հետախուզական անօդաչու թռչող սարքերի էսկադրիլիա։ Ենթադրվում է, որ անօդաչուները կօգտագործվեն Սերբիայի հետ սահմանակից շրջաններում հետախուզության, ինչպես նաև «Պանցիր-Ս» համալիրներին հակազդելու համար։
Մինչ օրս հայտնի է, որ Պրիշտինան և Անկարան արդեն բանակցում են Կոսովոյին Bayraktar TB2 հարվածային անօդաչու թռչող սարքերի մատակարարման շուրջ։ Աղբյուրները հայտնում են, որ Կոսովոն մտադիր է ընդհանուր առմամբ ընդունել 12 անօդաչու թռչող սարք։ Միաժամանակ հաղորդվում է, որ Թուրքիան և Կոսովոն դեռևս վերջնական համաձայնության չեն եկել այս հարցում, սակայն անհրաժեշտության դեպքում Թուրքիան պատրաստ կլինի արդեն հաջորդ տարի տրամադրել հարվածային անօդաչու սարքեր։
