«Մեր երկիրը մեկ անգամ չէ, որ բախվել է փորձությունների». Պուտին

Ռուսաստանը բազմիցս բախվել է փորձությունների և պաշտպանել է իր ինքնիշխանությունը, այսօր երկիրը կանգնած է նույն մարտահրավերի առաջ, Կրեմլում պետական ​​մրցանակների հանձնման արարողության ժամանակ, ասել է ՌԴ նախագահ Վլադիմիր Պուտինը։ Տեղեկատվությունը փոխանցում է ՌԻԱ Նովոստին:

«Մեր երկիրը մեկ անգամ չէ, որ բախվել է փորձությունների, պաշտպանել է իր ինքնիշխանությունը: Այսօր Ռուսաստանը կրկին կանգնած է նույն մարտահրավերի առաջ: Եվ հատուկ ռազմական գործողության առաջնագծում զինվորները, սպաները, աշխարհազորայիններն ու կամավորները ցուցաբերում են խիզախության և ինքնասիրության բացառիկ օրինակներ»,- ասել է նա։