Մոդրիչը խոսել է Խորվաթիայի հավաքականում իր ապագայի մասին

Կիսապաշտպան Լուկա Մոդրիչը հայտնել է, որ չի ավարտում իր կարիերան Խորվաթիայի հավաքականում: 

«Մենք ոսկե մեդալ էինք ուզում և մոտ էինք այդ ամենին: Մենք կարող ենք հպարտանալ մեր խաղով և տուն վերադառնալ որպես հաղթող։ 

Հավաքականի մակարդակով հաջողությունն ինձ համար շատ կարևոր է, ես երջանիկ եմ: Մեր թիմը զգալիորեն աճել է, և հիմա մեր հաղթանակները քսան տարին մեկ անգամ պատահող հրաշք չեն։ Հիմա ես չեմ կարող մեր թիմին ընկալել որպես սև նժույգ. մենք ուժ ենք, որի հետ պետք է հաշվի նստել: 

Մեր թիմի ապագան պայծառ է։ Որոշ խաղացողներ առաջին անգամ էին եկել խոշոր մրցաշարի և անմիջապես մեդալներ նվաճեցին: Ինձնից 12 տարի պահանջվեց, ես անցա աշխարհում ամեն ինչի միջով։ Նրանք պետք է գնահատեն ձեռք բերածը։ 

Այո, միգուցե սա իմ վերջին խաղն է Աշխարհի գավաթի խաղարկությունում, բայց ես հստակ ոչինչ չեմ կարող ասել: Ես կշարունակեմ խաղալ Խորվաթիայի հավաքականի կազմում Ազգերի լիգայում։ Դրանից հետո կտեսնենք, թե ինչ կլինի հետո»,- մեջբերում է Մադրիդի «Ռեալի» ֆուտբոլիստին Marca-ն:

Հիշեցնենք, որ Կատարում ընթացող Աշխարհի առաջնության երրորդ տեղի համար խաղում այսօր՝ դեկտեմբերի 17-ին, Խորվաթիայի հավաքականը 2:1 հաշվով հաղթել է Մարոկկոյին:

Խորվաթիայի հավաքականի ֆուտբոլիստները երկրորդ ԱԱ-ն անընդմեջ մեդալ են նվաճում մրցաշարում, բայց եթե նախորդ անգամ մեդալներն արծաթե էին, այս անգամ դրանք այլ փայլի էին։