«Նա չունի ոչ որակավորում, ոչ էլ այդ հարցերի վերաբերյալ որոշումներ կայացնելու ունակություն». Էրդողան
Թուրքիայի նախագահ Ռեջեփ Թայիփ Էրդողանը հայտարարել է, որ լուրջ չի ընդունում Եվրահանձնաժողովի ղեկավար Ժոզեպ Բորելի խոսքերը Ռուսաստանի դեմ պատժամիջոցների հարցում Թուրքիայի դիրքորոշման մասին: Ըստ Թուրքիայի նախագահի` Բորելը չի կարող որոշել և կարգավորել Անկարայի և Մոսկվայի հարաբերությունները: Այս մասին գրում է ՌԻԱ Նովոստին:
«Ես Բորելին որպես զրուցակից չեմ ընկալում։ Նա կարող է լինել միայն Թուրքիայի ԱԳ նախարար Մևլութ Չավուշօղլուի զրուցակիցը։ Դա տգեղ հայտարարություն է։ Նախ ՝ Բորելը չի կարող որոշել և կարգավորել մեր հարաբերությունները Ռուսաստանի հետ։ Նա չունի ոչ որակավորում, ոչ էլ այդ հարցերի վերաբերյալ որոշումներ կայացնելու ունակություն», - Թուրքմենստանից վերադառնալուց հետո ինքնաթիռում լրագրողներին ասել Է Էրդողանը։
Էրդողանը նաեւ Բորելին մեղադրել է «հացահատիկային գործարքի» իրականացման Թուրքիայի նախաձեռնությունների համար անշնորհակալ լինելու մեջ։
«Բոլոր եվրոպական առաջնորդները շնորհակալություն են հայտնում մեզ, իսկ դուք ոտքի եք կանգնում եւ նման հայտարարություն անում», - ընդգծել է Թուրքիայի առաջնորդը։
Ավելի վաղ Բորելը հայտարարել էր, որ Անկարայի եւ Մոսկվայի առեւտրային հարաբերությունները եւ Արեւմուտքի պատժամիջոցային քաղաքականությանը Թուրքիայի չմիանալը ԵՄ-ում անհանգստության պատճառ է համարում:
