Պուտինը Փաշինյանի հետ հեռախոսազրույց է ունեցել
Պուտինն ու Փաշինյանը հեռախոսազրույցում քննարկել են հայ-ադրբեջանական սահմանի անվտանգության հարցը: Տեղեկությունը հայտնում է Կրեմլի մամուլի ծառայությունը:
Քննարկել են Ռուսաստանի, Հայաստանի և Ադրբեջանի միջև կնքված եռակողմ պայմանավորվածությունները: Առանձնահատուկ ուշադրություն է դարձվել հայ-ադրբեջանական սահմանին անվտանգության ապահովմանը, ինչպես նաև Անդրկովկասում տրանսպորտային, լոգիստիկ և առևտրատնտեսական կապերի վերականգնմանն ուղղված նախագծերին։
Հիշեցնենք, որ ավելի վաղ հայտնել էինք, որ Ռուսաստանի նախագահ Վլադիմիր Պուտինը հեռախոսազրույց է ունեցել Ադրբեջանի նախագահ Իլհամ Ալիևի հետ: Նրանք ևս քննարկել էին եռակողմ պայմանավորվածությունները, պայմանավորվել հետագա շփումների մասին:
