Մանրամասներ՝ Երևանի Դոդոխյան փողոցում բռնկված հրդեհից
Դեկտեմբերի 11-ին, ժամը 10:13-ին Ճգնաժամային կառավարման ազգային կենտրոն ահազանգ է ստացվել, որ Երևանի Դոդոխյան փողոցի (Շենգավիթ- խմբ.) թիվ 47 շենքի մոտակայքում հրդեհ է նկատվում:
Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երեք մարտական հաշվարկ և Հրդեհաշիջման և փրկարարական աշխատանքների կազմակերպման բաժնի օպերատիվ խումբը։
Ըստ նախնական տվյալների՝ այրվում են պլաստմասսայե արկղեր:
Հրդեհը մեկուսացվել է ժամը 10:44-ին, մարվել՝ 11:15-ին:
Հիշեցնեմ, Auroranews-ը տեղեկություն ստացավ, որ հրդեհ և ծուխ է նկատվում Երևանի Դոդոխյան փողոցում: Կապ հաստատեցինք ՀՀ ԱԻՆ, որտեղից մեզ ասացին, որ նշված տարածքում շշերի պահեստ կա, որտեղ հրդեհ է բռնկվել:
«Այս պահին երեք մարտական հաշվարկ այնտեղ աշխատում է, առանձնապես լուրջ բան չկա, պլաստիկ է և դրանով է պայմնավորված, որ ծուխն այդքան նկատել է»,-ասացին ԱԻՆ-ից:
