Բանկոմատների ու էլեկտրոնային դրամապանակների աշխատանքը վերականգնվել է. մանրամասներ
Հայաստանում առավոտյան կրկին խափանվել էր ArCa համակարգը։ Քաղաքացիները չէին կարողանում գործարքներ իրականացնել բանկոմատների ու էլեկտրոնային դրամապանակների միջոցով։ Аuroranews.am-ը կապ հաստատեց ՀՀ մի քանի բանկերի հետ, ինչպես նաև ստուգեց օնլայն հավելվածներն ու դրամապանակաները: Ցանկանում ենք տեղեկացնել, որ տեղի ունեցած խափանումը վերականգնվել է:
Բանկերից մեզ նշեցին, որ կուտակված գործարքներն իրականացվում են:
Ավելի վաղ փորձել էինք կապ հաստատել Արմենիան Քարդ ընկերության հետ, որը սպասարկում է ArCa համակարգը։ Մեր հարցերը` ո՞րն է եղել խափանման պատճառը և ե՞րբ խնդիրը կվերականգնվի` ասացին, որ կարող են պատասխանել միայն գրավոր հարցման դեպքում:
