ՏԵՍԱՆՅՈՒԹ․ Իրավիճակը փխրուն է․ Միրզոյանը՝ ադրբեջանցիների կողմից Լաչինի միջանցքի փակման մասին
Լաչինի միջանցքի փակումը նոյեմբերի 9-ի հայտարարության կոպտագույն խախտում կլիներ, Ազգային ժողովում այս մասին հայտարարեց ՀՀ արտաքին գործերի նախարար Արարատ Միրզոյանը:
Նա ասաց, թե ռուս խաղաղապահների հետ բանակցության արդյունքում հարցն արագ հարթվել է:
«Կարծում եմ, որ կողմերը կարող են իրար նկատմամբ դժգոհություններ կամ առաջարկներ ու պահանջարկներ ներկայացնել միայն այն պայմանավորվածությունների շրջանակում, որոնք ձեռք են բերվել ու արձանագրվել են բոլոր կողմերի կողմից: Իրավիճակը փխրուն է, հարցերը կարգավորված չեն ու նոր պահանջների ներկայացումը կարող է ուղղված լինել իրավիճակի սրացմանը, միտումնավոր, թե ոչ միտումնավոր, արդեն մեկնաբանությունների հարց է»,- ասաց ՀՀ ԱԳ նախարարը:
Արարատ Միրզոյանն ասաց, որ Հայաստանը ԼՂ տարածքում չունի որևէ զինված կազմավորում:
«ՊԲ-ին անվանումն ինքնին հուշում է այն մասին, որ բանակի առաքելությունը Լեռնային Ղարաբաղի հայության պաշտպանութունն է ու սա այսօր, առավել քան երբևէ, պահանջված է: ԼՂ- հայության վրա շարունակում են կրակել, նրանց ենթարկում են տարատեսակ ճնշումների, գազն են փակում: Երբ որ կվերանան ԼՂ հայության էթնիկ զտումների վտանգը, այն ժամանակ, կարծում եմ, ԼՂ հայությունը կկարողանա քննարկել հնարավոր այլ սցենարներ, այս պահին կարող ենք արձանագրել ,որ գոյաբանական վտանգը կա»,- ասաց Արարատ Միրզոյանը:
