Տեղեկացնում ենք, որ ժամը 18։00-ի դրությամբ մետրոպոլիտենի երթևեկությունն ամբողջ գծով վերսկսվել է։ Այս մասին գրված է Երևանի Մետրոպոլիտենի ֆեյբուքյան էջում:

Նշված է նաև, որ բաց են մետրոպոլիտենի բոլոր կայարանների մուտքերի դռները։ Գնացքներն աշխատում են գրաֆիկի համաձայն։

Հիշեցնենք, որ Երևանի մետրոպոլիտենը հայտարարություն էր տարածել այն մասին, որ դեկտեմբերի 6-ին և 7-ին ժամը  11:00-ից 18:00-ն ընկած ժամանակահատվածում մետրոն չի գործի՝ «Մանկական Եվրատեսիլի» շրջանակում անցկացվող նկարահանումներն անխափան իրականացնելու նպատակով: