Պուտինը ստորագրել է ոչ ավանդական սեռական հարաբերությունների քարոզչությունն արգելող օրենքների փաթեթ: Այս մասին հաղորդում է ՌԻԱ Նովոստին:

️ ️Ըստ օրենքի` արգելվում է ոչ ավանդական սեռական հարաբերություններ, նախասիրություններ և սեռափոխություն քարոզող նյութերով ֆիլմերի վարձույթի վկայականի տրամադրումը: Արգելվում են ոչ ավանդական սեռական հարաբերությունների, նախասիրությունների ցուցադրմամբ և քարոզչությամբ գովազդներն ու հրապարակումները, ինչպես նաև ԼԳԲՏ քարոզչության արգելքի տակ կհայտնվեն նաև գրքերը, ֆիլմերն և տեսալսողական ծառայությունները:

Նախատեսվում է նաև պատասխանատվության ենթարկել` նշված հոդվածների համաձայն.

1. պատասխանատվություն մանկապղծության քարոզչության համար (տուգանք քաղաքացիների համար ՝ մինչև 800 հազար ռուբլի, կազմակերպությունների համար ՝ մինչև 10 միլիոն, իսկ օտարերկրացիների համար՝ նաև վտարում)

2. պատասխանատվություն անչափահասների շրջանում ոչ ավանդական սեռական հարաբերությունների, նախասիրությունների նկարագրության կամ պատկերի տարածման համար (տուգանք քաղաքացիների համար ՝ մինչև 200 հազար ռուբլի, կազմակերպությունների համար ՝ մինչև 4 միլիոն, իսկ օտարերկրացիների համար ՝ նաև արտաքսում)

3. ոչ ավանդական սեռական հարաբերությունների,նախասիրությունների ցանկացած քարոզչության արգելք, ոչ միայն անչափահասների շրջանում (և տուգանքները քաղաքացիների համար ավելանում են 100 հազարից մինչև 400 հազար ռուբլի, իսկ կազմակերպությունների համար ՝ 1 միլիոնից մինչև 5 միլիոն)

Նյութում ասվում է նաև, որ  «Ռոսկոմնադզորը» իրավունք կստանա հաստատել ինտերնետի մոնիթորինգի կարգը՝ բացահայտելու այն տեղեկությունները և ծրագրերը, որոնց հասանելիությունը ենթակա է սահմանափակման ՝ ԼԳԲՏ եւ մանկապղծության քարոզչության արգելքի շրջանակներում