Սատանա ա մտել մեջս՝ օձը․ այսօր ևս Կիևյան կամրջի տակ դի է հայտաբերվել

Լրատվամիջոցները գրում են, որ Կիևյան կամրջի տակ հայտնաբերվել է 32-ամյա տղամարդու դի։ 
Հաղորդվում է, որ ժամը 08։00-ի սահմաններում ոստիկանության Մաշտոցի բաժին ահազանգ է ստացվել, որ Կիևյան կամրջի տակ դի կա։ Դին հայտնաբերվել է կամրջի տակ՝ մասամբ ճանապարհի մեջտեղում։ 


Քննիչի կողմից նախաձեռնվել է վարույթ։ 

Ոստիկանությունն ու քննչական բաժինը պարզում են մահացածի ինքնությունը։ 
Մահացածի գրպանում հայտնաբերվել է 2 թուղթ, որոնցից մեկի վրա գրված է եղել «ոչ ոքի չմեղադրել, ես մեղք եմ, մեջս օձ կա, սատանա», իսկ մեկ այլ թղթի վրա՝ «մահվանս մեջ խնդրում եմ ոչ ոքի չմեղադրել, սատանա ա մտել մեջս, օձը»։

 

Հիշեցնենք, որ երեկ նույն վայրում ՝Կիևյան կամրջի տակ,  հայտնաբերվել է «Թումոյի» 24–ամյա աշխատակցի դին։ 

Քաղաքականություն

Պատահարներ