«Կեղծ խաղաղություն ոչ ոքի պետք չէ». Բլինքեն
ԱՄՆ պետքարտուղար Էնթոնի Բլինքենն անիմաստ է անվանել ՌԴ նախագահ Վլադիմիր Պուտինի հետ բանակցությունները և նշել, որ կեղծ խաղաղություն ոչ ոքի պետք չէ:
«Ի՞նչ է անում Պուտինը հիմա: Թեև նա երբեմն ասում է, որ պատրաստ է դիվանագիտության, նա հարձակվում է Ուկրաինայի քաղաքացիական ենթակառուցվածքների վրա», - ասել է Բլինքենը և հավելել.
«Խնդիրն այն է, որ նա անում է հակառակը: Այժմ նա դրդում է սրել իրավիճակը: Խաղաղություն է պետք, բայց այն պետք է լինի արդար՝ ՄԱԿ-ի կանոնադրության սկզբունքներին համապատասխան, և այն պետք է լինի կայուն, քանի որ իմաստ չունի կեղծ խաղաղություն կնքել, որը շատ արագ հետ կշպրտվի, և Ռուսաստանը նորից պատերազմ կհրահրի»:
