ՌԴ ԱԳՆ պաշտոնական ներկայացուցիչ Մարիա Զախարովան ուկրաինացի քաղաքական գործիչներին հրավիրել է Ղրիմ։

«Վլադիմիր Զելենսկու գրասենյակի ղեկավարի խորհրդական  Միխայիլ Պոդոլյակը խոստացել է վեց ամսից Յալթայում հարցազրույց տալ ուկրաինացի լրագրողներին։ Ես ուզում եմ Զելենսկիին և Պոդոլյակին ասել՝ մի հապաղեք, եկե՛ք, լողացե՛ք, եթե ​​ցանկանում եք հարցազրույց տալ՝ տվեք, վերցրեք ուկրաինացի լրագրողներին, համեցե՛ք»,- ասել է Զախարովան Մոսկվայում կայացած ճեպազրույցի ժամանակ։

«Ես կարող եմ վստահորեն ասել Զելենսկու գրասենյակի ղեկավարին, որ նա ժամանակ կունենա Յալթայում հարցազրույց տալու, եթե գա: Վերցրեք ուկրաինացի լրագրողների ավելի մեծ խումբ, որպեսզի բոլորը տեսնեն ամեն ինչ, իսկ ի՞նչ խնդիրն կա»,- ասել է Զախարովան։ 

ԱԳՆ ներկայացուցիչը նշել է, որ ինչպես ուկրաինացի, այնպես էլ արևմտյան լրագրողները միշտ էլ հնարավորություն են ունեցել այցելել Ղրիմ։ 

«Ճիշտ է, այդպես չէին անում, ութ տարի շարունակ ամեն տեսակ հեքիաթներ էին հյուսում, ինչ ուզում էին պատմում, միայն թե նրանք այդպես էլ չեկան հանրապետության տարածք, փաստորեն Դոնբաս չգնացին։ Նրանք ոչ մի տեղ չեն գնացել, որտեղ պատկերը չի տեղավորվում իրենց հիմնական հոսքի մեջ»,- ասել է ԱԳՆ պաշտոնական ներկայացուցիչը։