Հայաստանի, Ադրբեջանի և Թուրքիայի արտգործնախարարները կարճ զրույց են ունեցել

Ադրբեջանի, Թուրքիայի և Հայաստանի արտգործնախարարները Լեհաստանում զրույց են ունեցել ԵԱՀԿ Նախարարների խորհրդի նիստում։ ԶԼՄ-ները նկատել են նրանց երեքով կանգնած՝ ինչ-որ թեմա ակտիվ քննարկելիս։ 

Հիշեցնենք, որ նոյեմբերի 30-ից դեկտեմբերի 2-ը ՀՀ ԱԳ նախարար Արարատ Միրզոյանն աշխատանքային այցով Լեհաստանում է, որտեղ կմասնակցի ԵԱՀԿ նախարարական 29-րդ համաժողովին։ 

«Նոյեմբերի 30-ից դեկտեմբերի 2-ը ՀՀ ԱԳ նախարար Արարատ Միրզոյանն աշխատանքային այց կկատարի Լեհաստանի Լոձ քաղաք՝ մասնակցելու ԵԱՀԿ նախարարական 29-րդ համաժողովին։

Այցի շրջանակներում տեղի կունենան նաև մի շարք երկկողմ հանդիպումներ»,-ասված է արտգործնախարարության տարածած հաղորդագրության մեջ: