ՏԵՍԱՆՅՈՒԹ. Ո՞րն է Վերին Լարսի անցակետում խցանումների պատճառը. ի՞նչ է առաջարկել Հայաստանը

 Аuroranews.am-ը շարունակաբար ահազանգեր է ստանում կապված Վերին Լարսի անցակետում գոյացած հերթերի հետ: Քաղաքացիները նշում են, որ օրեր շարունակ չեն կարողանում հասնել անցակետին, հերթերն ահռելի են, իսկ ապրանքները, որոնք տեղափոխում են, հնարավոր է այդպես էլ տեղ չհասնեն: Հիշեցնենք, որ դեռ նոյեմբերի 22-ին Տարածքային կառավարման և ենթակառուցվածքների նախարար Գնել Սանոսյանը ՌԴ դեսպանին խնդրել է աջակցել Լարսի անցակետում ստեղծված իրավիճակի հարցում: 

 Аuroranews.am-ը կապ հաստատեց ՏԿԵ նախարարի մամուլի խոսնակ Սոնա Հարություննյանի հետ, հասկանալու` ի՞նչ է անում նախարարությունը իրավիճակին լուծում տալու համար և ի՞նչ արձագանք է եղել ՌԴ դեսպանին ուղղված խնդրանքից հետո:

Նա մասնավորապես նշեց, որ Վերին Լարսի անցակետի կուտակումները պայմանավորված են այս տարվա հոկտեմբերի երկրորդ կեսից սկսած ռուսական կողմից սահմանային անցակետերի վերահսկողական գործառույթների խստացմամբ: Հայկական կողմը մշտական կապի մեջ է ռուս, վրացի և Վրաստանում Հայաստանի դեսպանատան ներկայացուցիչների հետ` խնդրին լուծում գտնելու համար: Հայկական կողմը առաջարկներ է ներկայացրել ռուսական կողմին:

Մանրամասները` տեսանյութում:

Հիշեցնենք նաև, որ հոկտեմբերի 8-ի առավոտյան Ղրիմի կամրջի վրա բեռնատար էր պայթել: Ռուսաստանի ԱԴԾ-ն պարզել է, որ բեռնատարը, որի մեջ ենթադրաբար եղել է պայթուցիկը, Օդեսայից մեկնել է Բուլղարիա, Վրաստան, Հայաստան, ապա Վրաստանի տարածքով գնացել Ռուսաստան։ Բեռնատարի վարորդը եղել է Հայաստանի ու Վրաստանի քաղաքացի Արթուր Թերջանյանը։ Նախարար Վահան Քերոբյանն էլ նշել է, որ Ղրիմի կամրջի պայթյունից հետո Վերին Լարսում անվտանգային խնդիրներ են առաջացել: