«Չեք էլ պատկերացնում, թե ինչպես կպատասխանենք». Լուկաշենկո
Բելառուսի նախագահ Ալեքսանդր Լուկաշենկոն OHT հեռուստատեսության թղթակցի հետ զրույցում հայտարարել է, որ եթե իր երկիրը հարձակման ենթարկվի, Մինսկը չի դիմի ՀԱՊԿ-ին, բայց առաջարկված օգնությունից չի հրաժարվի:
«Մենք, եթե Աստված մի արասցե ներխուժում լինի, իհարկե, երբեք դեմ չենք լինի, որ օգնեն, բայց, կարծում եմ, ՀԱՊԿ-ին դիմելուն չի հասնի: Չեք էլ պատկերացնում, թե ինչպես կպատասխանենք», - հայտարարել է Բելառուսի նախագահը:
Հիշեցնենք՝ Լուկաշենկոն հայտարարել է, թե ներխուժման պարագայում Բելառուսի պատասխանից «ոչ միայն Եվրոպան կդողա»:
