ՀԱՊԿ-ն անհամաձայնություն է հայտնել Լավրովին ԵԱՀԿ ԱԳ նախարարների խորհրդի նիստին չթողնելու դեմ

Հավաքական անվտանգության պայմանագրի կազմակերպության երկրների արտգործնախարարները համատեղ հայտարարություն են ընդունել, որում անհամաձայնություն են հայտնել ՌԴ ԱԳ նախարար Սերգեյ Լավրովի պատվիրակությանը ԵԱՀԿ ԱԳ նախարարների խորհրդին չթողնելու Լեհաստանի որոշման հետ։  Այս մասին հայտարարել է ՀԱՊԿ գլխավոր քարտուղար Ստանիսլավ Զասը, փոխանցում է ՏԱՍՍ-ը։

«Այս հայտարարությունն արտահայտում է մեր արտգործնախարարների կոլեկտիվ անհամաձայնությունը ԵԱՀԿ գործող նախագահի՝ Լեհաստանի որոշման հետ, որն անհնարին դարձրեց Ռուսաստանի Դաշնության արտաքին գործերի նախարարի պատվիրակության մասնակցությունը ԵԱՀԿ ԵԱՀԿ ԱԳ նախարարների խորհրդի 29-րդ հանդիպմանը»,- ասել է Զասը։

ՀԱՊԿ գլխավոր քարտուղարը նշել է, որ «ի հեճուկս երկար տարիների հաստատված պրակտիկայի», Հավաքական անվտանգության պայմանագրի կազմակերպությունը նույնպես չի հրավիրվել ֆորումին, ինչը վնասում է ԵԱՀԿ գործունեությանը։

«Ավելի շատ վնաս է հասցնում ոչ թե մեր պետություններին, ոչ թե Ռուսաստանի Դաշնությանը և այլ երկրներին, այլ ԵԱՀԿ կազմակերպությանը»,- ընդգծել է Զասը։