Մեծ Բրիտանիան Ուկրաինային է փոխանցել Brimstone հրթիռի կատարելագործված մոդել

Մեծ Բրիտանիան Ուկրաինային է փոխանցել բարձր տեխնոլոգիական լազերային կառավարվող Brimstone հրթիռի կատարելագործված մոդել, որի հեռահարությունը երկու անգամ գերազանցում է նախորդ տարբերակին, գրում է Daily Telegraph-ը։ Brimstone 2 հրթիռները սովորաբար արձակվում են կործանիչներից, սակայն ուկրաինական զորքերը որպես արձակման հարթակ օգտագործում են բեռնատարներ։ 

Հրթիռները, որոնցից յուրաքանչյուրն արժե մոտ 175,000 ֆունտ ստեռլինգ (մոտավոր 207 հազար դոլար), նախատեսված են հիմնականում ցամաքային թիրախները, ներառյալ արագընթաց մեքենաները խոցելու համար: Հաշվի առնելով լազերային ուղղորդումը և բարձր ճշգրտությունը՝ հրթիռները կարող են արձակվել խիտ բնակեցված տարածքներում, ինչը նվազեցնում է խաղաղ բնակչության շրջանում զոհերի հավանականությունը։