Հայտնի է` ով է հաղթել Ղազախստանի նախագահական ընտրություններում
Ղազախստանի նախագահ Կասիմ Ժոմարտ Տոկաեւը հաղթանակ է տարել Հանրապետության ղեկավարի ընտրություններում՝ հավաքելով ընտրողների ձայների 81,31 տոկոսը, հայտարարել է ԿԸՀ ղեկավար Նուրլան Աբդիրովը ՝ հրապարակելով քվեարկության նախնական արդյունքները:
Աբդիրովը հայտնել է, որ ընդհանուր մասնակցությունը կազմել է 69,44 տոկոս ։ Քվեարկությանը մասնակցել է 8 մլն 300 հազար 046 քաղաքացի, փոխանցում է ՌԻԱ Նովոստի-ն։
Ուզբեկստանի նախագահ Շավքաթ Միրզիյաևը հեռախոսով շնորհավորել է Տոկաևին արտահերթ նախագահական ընտրություններում հաղթելու կապակցությամբ։ Նա նշել է, որ այսօր երկու պետությունների միջև հարաբերությունները զարգանում են շատ դինամիկ և լիովին համապատասխանում են ռազմավարական գործընկերության մակարդակին։
