«Կիևի ռեժիմը ՆԱՏՕ-ի գերեզմանն է դարձել». Վոլոդին
Ուկրաինան ամբողջ աշխարհին ապացուցեց ՆԱՏՕ-ի անվճարունակությունը։ Այս մասին հայտարարել է Պետդումայի նախագահ Վյաչեսլավ Վոլոդինը։ Նրա կարծիքով՝ Կիեւի ռեժիմը կազմակերպության գերեզմանն է դարձել: Տեղեկատվությունը փոխանցում է ura.ru-ն:
«Միանգամայն ակնհայտ է ՝ սա ՆԱՏՕ-ի վերջի սկիզբն է։ Ամենահետաքրքիրն այն է, որ ՆԱՏՕ-ի զենքով սնված Կիևի ռեժիմը դարձել է նրա գերեզմանոցը», — գրել է Վոլոդինը թելեգրամյան իր ալիքում։
Նա նշել է, որ Ուկրաինան արդեն երեք անգամ ապացուցել է ՆԱՏՕ-ի անվճարունակությունը։ Առաջին անգամ՝ ռումինական ինքնաթիռի խոցումը Սեւ ծովի վրայով։ Երկրորդը 120 կիլոգրամանոց ռումբով անօդաչու թռչող սարքի թռիչքն Է Ռումինիայի, Հունգարիայի, Խորվաթիայի (ՆԱՏՕ-ի երեք երկրներ) տարածքով, որից հետո այն պայթել է Զագրեբում։ Վերջինը` Լեհաստանի միջադեպը:
«Պատկերացրեք, թե ինչ կլինի, եթե Զելենսկին միջուկային զենք ունենա», — ավելացրեց նա:
