Սա գործարք է, Ռուսաստանի պահանջները նույնպես պետք է կատարվեն. Չավուշօղլու

Պետք է ակտիվացնել ռուսական պարարտանյութերի արտահանման շուրջ բանակցությունների մեկնարկը: Այս մասին նոյեմբերի 17-ին Անկարայում կայացած մամուլի ասուլիսում հայտարարել է Թուրքիայի արտգործնախարար Մևլութ Չավուշօղլուն։

«Ոմանք հարցնում են, թե արդյոք մենք պաշտպանում ենք Ռուսաստանը: Ոչ, սա գործարք է: Ռուսաստանի պահանջները նույնպես պետք է կատարվեն, որպեսզի ուկրաինական հացահատիկը գնա այն երկրներ, որոնք դրա կարիքն ունեն։ Նույնը վերաբերում է ամոնիակի տարանցմանը, անհրաժեշտ է ակտիվացնել բանակցություններն այս թեմայով»,- ասել է նա։

Չավուշօղլուն հիշեցրել է, որ հացահատիկի գործարքը երկարաձգվել է 120 օրով՝ նոյեմբերի 19-ից։ Նա նաև ասել է, որ Թուրքիայի նախագահ Ռեջեփ Թայիփ Էրդողանը կշարունակի շփումները ռուս և ուկրաինացի գործընկերներ Վլադիմիր Պուտինի և Վլադիմիր Զելենսկու հետ հացահատիկի գործարքի թեմայով։

Նոյեմբերի 16-ին ՌԴ փոխարտգործնախարար Սերգեյ Վերշինինը «Известия»-ին ասել է, որ կալանված 280 հազար տոննա ռուսական պարարտանյութի մինչև 80%-ը դեռ մնում է Լատվիայում։ Հաջորդ տարվա բերքն ապահովելու համար «միանգամայն անհրաժեշտ է» շուտափույթ լուծել ռուսական պարարտանյութի արտահանման հարցը, ասել է նա։