Ինչպես արդեն հայտնել էինք` ԱՄՆ Սենատի արտաքին հարաբերությունների հանձնաժողովի նախագահ Ռոբերտ Մենենդեսը հայտարարել է, որ Կիևը Բաքվին է մատակարարել սպիտակ ֆոսֆորի զինամթերք, որն օգտագործվել է 2020 թվականին Լեռնային Ղարաբաղում պատերազմի ժամանակ:

Մասնավորապես, Բոբ Մենենդեսը Կովկասյան բանակցությունների հարցերով ավագ խորհրդական դեսպան Ֆիլիպ Ռիկերին և ԱՄՆ պետքարտուղարի՝ Եվրոպայի և Եվրասիայի հարցերով օգնական Կարեն Դոնֆրիդին հարցնում է, թե արդյոք նրանք տեղյակ են Ադրբեջանի կողմից արգելված զենքերի՝ կասետային ռումբերի և սպիտակ ֆոսֆորի օգտագործման մասին:
 

Ռիկերն ասում է, որ ինքը չի լսել այս դեպքերի մասին, ինչին Մենենդեսը պատասխանում է. «Սակայն սպիտակ ֆոսֆորի դեպքերը լավ փաստագրված են: Ցավոք, այն մատակարարվել է Ուկրաինայի կողմից»։