Վերջին օրերին Ադրբեջանի նախագահի և մի շարք պաշտոնյաների հակաիրանական  հայտարարություններից հետո Իրանի Իսլամական Հանրապետության արտաքին գործերի նախարար Հոսեյն Ամիր Աբդոլլահյանը Ադրբեջանի արտգործնախարար Ջիհունի հետ հեռախոսազրույցում դժգոհություն է հայտնել արված հայտարարությունների մասով և դրանք անիրատեսական է անվանել, հաղորդում է IRNA-ն:

Նշվում է, որ երեքշաբթի երեկոյան Բայրամովի հետ հեռախոսազրույցում Ամիր Աբդոլլահյանը կրկնել է, որ երկրների ինքնիշխանությունը հարգելը կարևոր և հիմնական սկզբունք է, որը պետք է հաշվի առնել։
Աբդոլլահիանը պաշտոնական և դիվանագիտական ուղիները համարել է թյուրիմացությունների և տարակարծությունների լուծման լավագույն միջոցը և ընդգծել, որ լրատվամիջոցներում նման հարցերի բարձրացումը ոչ միայն չի օգնում խնդրի լուծմանը, այլև ճանապարհ է բացում թշնամիների համար՝ շահարկելու հարցը։

Իրանի արտգործնախարարն իր ադրբեջանցի գործընկերոջը հրավիրել է մասնակցելու Թեհրանում կայանալիք «3+3» հանդիպմանը՝ որպես դիվանագիտական ռազմավարության միջոցով տարածաշրջանային խնդիրների լուծման շրջանակ։