ԱՄՆ պետքարտուղարը կմեկնի Չինաստան
Չինաստանը ողջունում է ԱՄՆ պետքարտուղար Էնթոնի Բլինքենի՝ Չինաստան այցի վերաբերյալ համաձայնությունը։ Այս մասին լրագրողներին ասել է Չինաստանի արտգործնախարար Վան Ին՝ Բալիում Չինաստանի նախագահ Սի Ծինփինի եւ ԱՄՆ նախագահ Ջո Բայդենի հանդիպման արդյունքներով, գրում է ТАСС-ը։
«Ամերիկյան կողմը հայտնել է, որ ԱՄՆ պետքարտուղար Էնթոնի Բլինքենը մոտ ապագայում կայցելի Չինաստան՝ շարունակելու աշխատանքը հանդիպումից հետո։ Չինական կողմը ողջունում է դա», - նշվում է Չինաստանի ԱԳՆ կայքում։
Ինչպես նշել է Վան Ին, երկու երկրների աշխատանքային խմբերը, որոնք պատասխանատու են ֆինանսական և առևտրատնտեսական հարցերի համար, նույնպես կհամագործակցեն և կհամակարգեն իրենց գործողությունները այնպիսի հարցերի շուրջ, ինչպիսիք են մակրոտնտեսական քաղաքականությունը և չին-ամերիկյան առևտրատնտեսական հարաբերությունները:
Ըստ Agence France-Presse-ի` այցը սպասվում է 2023 թվականի սկզբին։
