Ձերբակալվել է Ստամբուլի ահաբեկչության մեջ կասկածվողը. Թուրքիայի ՆԳՆ
Թուրքիայում ձերբակալվել է Ստամբուլի կենտրոնում գտնվող Իսթիքլալ հետիոտնային փողոցում տեղի ունեցած ահաբեկչության կասկածյալը։ Այս մասին գրում է Kommersant-ը։
Իշխանությունները կարծում են, որ հարձակման պատասխանատվությունը կրում են Սիրիայում տեղակայված քրդական կազմակերպությունները։
Ձերբակալության մասին հայտարարել է Թուրքիայի ներքին գործերի նախարար Սուլեյման Սոյլուն։ TRT ալիքը հրապարակել է նրա ելույթը Twitter-ում։
Նախարարի խոսքով՝ «ռումբը թողած մարդը բերման է ենթարկվել»։
ՆԳՆ ղեկավարն ասել է, որ նախնական տվյալները ցույց են տալիս, որ հարձակման հետևում կանգնած են Թուրքիայում արգելված կազմակերպությունները՝ Քուրդիստանի աշխատավորական կուսակցությունը և «Ժողովրդավարական միասնություն» կուսակցությունը, որոնք գործում են Սիրիայում։
Պայթյունը տեղի է ունեցել նախօրեին՝ նոյեմբերի 13-ին։ Առնվազն վեց մարդ մահացել է։ Տուժել է 81 մարդ, նրանցից երկուսի վիճակը ծանր է։
Փոխնախագահ Ֆուաթ Օքթայը ավելի վաղ ասել էր, որ հարձակումը կարող էր կին կատարել։
