Հայաստանում սպասվում են եղանակային փոփոխություններ և տեղումներ

Հանրապետության տարածքում առաջիկա օրերին սպասվում է կարճատև անձրև, ամպրոպ և ջերմաստիճանի տատանումներ։

Հանրապետության տարածքում հունիսի 20-ին և 21-22-ին հիմնականում երեկոյան ժամերին, 23-24-ին՝ գիշերը և կեսօրից հետո, իսկ 25-ին՝ կեսօրից հետո առանձին շրջաններում կանխատեսվում է կարճատև անձրև և ամպրոպ, ինչպես նաև տեղ-տեղ հնարավոր է կարկուտ։ Քամին կլինի հարավարևմտյան՝ 2-5 մ/վ արագությամբ, իսկ ամպրոպի ընթացքում սպասվում է քամու ուժգնացում՝ 17-20 մ/վ արագությամբ։ Օդի ջերմաստիճանը հունիսի 20-ի ցերեկը կավելանա ևս 3-4 աստիճանով, իսկ հունիսի 21-24-ին ցերեկային ժամերին աստիճանաբար կնվազի 5-7 աստիճանով։

Երևանում հունիսի 20-ի ցերեկը, 21-ին և 25-ին սպասվում է առանց տեղումների եղանակ։ Հունիսի 22-ի երեկոյան ժամերին քաղաքի առանձին հատվածներում հնարավոր է, իսկ 23-ի երեկոյան և 24-ին օրվա ընթացքում սպասվում է կարճատև անձրև և ամպրոպ։ Ամպրոպի ժամանակ հնարավոր է քամու ուժգնացում՝ 15-18 մ/վ արագությամբ։