Friends սերիալի ռեժիսոր և համահիմնադիր Ջեյմս Բերոուզը մահացել է 85 տարեկան հասակում

85 տարեկան հասակում կյանքից հեռացել է հեռուստատեսային հայտնի ռեժիսոր, ամերիկյան կատակերգական սերիալների (սիթքոմների) պատմության ամենաազդեցիկ դեմքերից մեկը՝ Ջեյմս Բերոուզը։ 

Մահվան լուրը People ամսագրին տված հայտարարության մեջ հաստատել է նրա ընտանիքը՝ նշելով, որ ռեժիսորը մահացել է ուրբաթ օրը՝ խաղաղ պայմաններում, հարազատներով շրջապատված։ Մահվան պատճառը կամ վայրը չեն հաղորդվում։

Ջեյմս Բերոուզն ավելի քան հազար հեռուստատեսային դրվագների և շուրջ 75 պիլոտային (փորձնական) նախագծերի ռեժիսոր է, որոնք հետագայում վերածվել են հիթային սերիալների։  Նրա ձեռքով են կերտվել այնպիսի պաշտամունքային սիթքոմներ, ինչպիսիք են՝  

• «Cheers» («Ուրախ ընկերակցություն») – հանդիսանում է համահեղինակը և 273 դրվագներից 243-ի ռեժիսորը,
• «Will and Grace» («Ուիլն ու Գրեյսը») – եղել է բոլոր 246 դրվագների ռեժիսորը,
• «Friends» («Ընկերները»), «Taxi» («Տաքսի») և «Frasier» («Ֆրեյզեր»)։

Բացի այդ, նա հանդիսանում է «The Big Bang Theory» («Մեծ պայթյունի տեսությունը») և «Two and a Half Men» («Երկուսուկես մարդ») սերիալների մեկնարկային (պիլոտային) դրվագների ռեժիսորը։ Նրան է վերագրվում նաև սիթքոմների նկարահանման ոլորտում տեխնիկական հեղափոխությունը՝ ավանդական 3 տեսախցիկով նկարահանումը 4-ի հասցնելը։